محمود الركيبي -كود- العيون //

دخل السفير الممثل الدائم للمغرب لدى الأمم المتحدة، عمر هلال طول وعرض اليوم الخميس بباكو بأذربيجان، فوزير الخارجية الجزائري والشطحات ديالو.

عمر هلال، ماخلى ماقال لنظام العسكر، واتاهمو باستغلال قضية الصحرا ومعاها قضايا عربية أخرى، لتمرير مغالطات ماكايناش على أرض الواقع.

هلال، طالب نظام العسكر بالوقوف عند مشاكلو والتهديدات لي كتجيه من منطقة الساحل والصحراء، ويخلي عليه ملف الصحراء المغربية لي قطعات فيه المملكة أشواط كبيرة، وهادشي كيبان فافتتاح القنصليات الإفريقية والعربية بالأقاليم الجنوبية، والاعترافات الدولية بمغربية الصحرا ودعم مبادرة الحكم الذاتي كحل جدي وواقعي.

يذكر بلي وزير الخارجية الجزايري، دخل ملف الصحرا فالاجتماع الوزاري لحركة عدم الانحياز، المنعقد حاليا بباكو في أذربيدجان، وعقد لقاءات باش يسلط الضوء على القضية لي منصبة دولة العسكر راسها مدافع عن البوليساريو فالمحافل الدولية.