وكالات//

نجح فريق من علماء الآثار المصريين باش يكشفو على مقبرة ضخمة، عمرها تقريبا 3200 عام، وكيعتقدو أنها كترجع لأحد القادة العسكريين الكبار ففترة الفرعون رمسيس الثالث، اللي كان من أعظم الحكام ديال مصر القديمة.

هاد الاكتشاف كان فتل المشوطة، شمال شرق مصر، وهي منطقة كانت مهمة بزاف فالعصر ديال الدولة الحديثة (1550-1070 ق.م)، حيث كانت تشكل أول خط دفاع ضد الحدود الشرقية ديال البلاد.

أما بخصوص المقبرة وكنوزها، فهي مبنية بالطوب وكتضم غرفة دفن كبيرة و 3 غرف جانبية، والجدران ديالها مغطاة بطبقة من الملاط الأبيض.

ومن بين الاكتشافات اللي لقاوها داخل المقبرة، كانو مجموعة من القطع الأثرية اللي كتبرز المكانة العالية لصاحب المقبرة، من بينها خاتم ذهبي مكتوب عليه اسم رمسيس الثالث، اللي كيأكد على العلاقة المباشرة ديالو مع البلاط الملكي.