الرئيسية > ميديا وثقافة > عمرها دارت فعالم الميديا.. الصحافيين ديال “لوموند”: بغينا استقلالية سياستنا التحريرية وحق نقبلو ولا نرفضو أي مساهم جديد فالصحيفة
11/09/2019 21:30 ميديا وثقافة

عمرها دارت فعالم الميديا.. الصحافيين ديال “لوموند”: بغينا استقلالية سياستنا التحريرية وحق نقبلو ولا نرفضو أي مساهم جديد فالصحيفة

عمرها دارت فعالم الميديا.. الصحافيين ديال “لوموند”: بغينا استقلالية سياستنا التحريرية وحق نقبلو ولا نرفضو أي مساهم جديد فالصحيفة

غيثة علام – كود//

صحافيون ومحررون في “لوموند” الفرنسية، وقعو لبارح الثلاثاء، خطاب مفتوح طالبو فيه مالين الصحيفة بضمان استقلالية سياستها التحريرية، من خلال منحهم حق التصويت والموافقة على شكون يملك الأسهم.. حيت خافو لا المستثمر التشيكي، دانييل كريتينسكي، يسيطر على كولشي ويبدا يبدل على گانتو.

واكثر من 460 صحافي في “لوموند” وقعو الخطاب المفتوح اللي تنشر على صفحة كاملة من الصحيفة، وعطاو لماليها مهلة سيمانة وحدة للموافقة.

وفي 2010، شراو الصحيفة 3 ديال المستثمرين من القطاع الخاص لي هما قطب الاتصالات خافيير نيل، والمصرفي السابق ماتيو بيگاس، والمؤسس المشارك لشركة “إيف سان لوران” بيير بيرگي، وفاش مات هاد الاخير  فأكتوبر 2017، صوتو الموظفين بالموافقة على البيع.

وقبل عام، قال جيروم فينوگليو مدير التحرير في لوموند، ان الموظفين تصدمو بعد ما اكتشفو أن بيگاس باع 49 بالمئة من الأسهم ديالو لعالم الطاقة التشيكي دانييل كريتينسكي، بلا خبار “مجموعة لوموند للاستقلال”، لي هي مجموعة من المساهمين الأقلية كتكون من الصحافيين والموظفين الآخرين والقراء والمؤسسين.

وهادشي علاش كطالب المجموعة بالتوقيع على “اتفاقية موافقة” باش يكون عندها الحق تقبل ولا ترفض أي مساهم جديد كيتمتع بحقوق مسيطر.

موضوعات أخرى