كود الرباط//

الفقيه اللي تسنّاو بركاتو، دخل الجامع ببلغتو، هكذا هي عمدة الرباط فتيحة المودني لي جات بلاصت اسماء اغلالو، من نفس حزب الأحرار، ف عام، بانت بلي غير كتسير بالتيليكومند، معندهاش قرار، كولشي كيتخاد ف الصالونات المغلقة ومن طرف مستشار نافذ (بالعلاقات اللي كيدعي، اما هو ما نافذ ما والو).

المودني مزال مسخنات بلاصتها دخلت ف ازمة عزلة داخل الأغلبية المسيرة للمجلس. مصادر مطلعة كشفت بلي كاينا  القطيعة بين المودني ونواب الأغلبية، الذين قرروا مقاطعة اجتماعات المكتب بشكل نهائي، احتجاجًا على ما وصفوه بـ”الانفراد في القرار” و”سوء التقدير السياسي والإداري”.

الخلافات ماشي غير داخلية، بل امتدت إلى قضايا تتعلق بتدبير الشأن المالي والإداري. فقد أثارت كثرة السفريات التي صادقت عليها العمدة، ومدير المصالح، تساؤلات واسعة حول طبيعة مصاريف التنقل والمهام المبرمجة، خاصة في ظل الغموض الذي يلف الجدوى من بعضها.

وفي كواليس المجلس الجماعي، يروج اسم مستشار جماعي نافذ كيعتبرون هو ”العمدة الحقيقي في الظل”. الأمر يتعلق بشخص معروف داخل أوساط المنتخبين والفاعلين المحليين بقربه من رجال أعمال خليجيين، وبارتباطاته المشبوهة بعوالم “الليل” وملاّك النوادي الليلية الراقية،دبا ولى كيحكم فالعاصمة وتراخيصها ووو.

الهضرا بدات تخرج على العمدة، المحظوظة، للي جات بلاصت اغلالو، خصوصا بعد تفويض صلاحيات لمقربين ومقربات منها داخل الجماعة.

العمدة يلا ناضت ليها الاغلبية يعني حتى الولاية ناضت ليها، هادشي كيتفهم من هاد الصراعات السياسية للي تتكون خصوصا فالعاصمة.