كود كازا//
تفاعلات عمالة البرنوصي بجدية وسرعة كبيرة مع مقال كود تاع البارح بخصوص فران غير مرخص يشكل قنبلة موقوتة تتهدد سلامة وارواح سكان أقامة، وسهر العامل شخصيا على تحريك موظفين من العمالة للتأكد من مضامين المقال خصوصا أن المحل كان موضوع معاينة لجنة فيها القايد دون اتخاذ الاجراءات القانونية الصارمة.
وحلات واحد اللجنه كبيرة عاود دارت المعاينة وتأكدات بلي كود جابت الحقيقة وان المقال كل المضامين تاعو صحيحة، قبل ما يقرروا اغلاق المحل التابع لدائرة الأمان بسيدي مومن ومنع مولاه من استمرار تهديد ارواح الناس.
كود قامت بدورها والعامل تاع البرنوصي تفاعل بجدية وسرعة وهادشي ما يمكن الا نصفقوا ليه، حيت أمن وسلامة المواطن اولوية في اختصاصات العمال والولاة.
دابا غادي يتفتح بحث على التقصير خصوصا أن السيد مول المحال معندوش رخصة ومكايتش منافذ التهوية وتيطيب بالغاز.
