وكالات//

مات واحد السيد وتصابو 8 ديال الناس شي وحدين حالتهم خطيرة في انهيار عمارة وسط مدينة إسطنبول التركية.

وبارطاجاو الناس بزاف ديال الفيديوهات لي كتوثق اللحظة لي نهارت فيها العمارة لي فيها 3 ديال ليطاج.

https://x.com/kampananews2022/status/1797173144228118933

الوقاية المدنية ديال تركيا قالت بللي جبدات واحد السيد ميت و8 مصابين بإصابات متفاوتة الخطورة.

وزير ديال السكان التركي قال إن التحقيقات الأولى لقات أن العمارة عندها اكثر من 100 عام وكانو البناية ديالها خلطو السيمة مع الرملة ديال البحر.

ومول العمارة زاد طاج ونص طاج آخر بلا خبار السلطات ديال المدينة، بطريقة غير قانونية، وكل شي هاد الشي كان سبب في انهيار العمارة.