گود سبور//
عبر الدولي الإيراني السابق على كريمي والنجم السابق لبايرن ميونخ الألماني، واللي هو واحد من أبرز الرياضيين المعارضين للنظام الإيراني، (عبر) على الفرحة ديالو بمقتل المرشد الأعلى الإيراني على خامنئي.
وخرج علي كريمي وشارك المتابعين ديالو المعارضين للنظام الإيراني الفرحة حيث مات علي خامنئي اللي على راس السلطة فإيران، وكتب على موقع X: “مات الفار”.
ويعتبر علي كريمي من أبرز اللاعبين اللي دازو فالكورة الإيرانية، وديما كانت عندو مشاكل مع النظام الإيراني، خصوصا وأنه كان كايبغي ياكل فرمضان حيث كايتدرب وشحال من مرة تحكم عليه بالغرامة من المحكمة، وشحال من فريق إيراني تفارق معه على قبل هذا الشي بحال فريق ستيل ازين اف سي.
