كود عن روسيا اليوم ////

قال سفير ايران فروسيا كاظم جلالي باللي مجتبى خامنئي ماشي فموسكو للعلاج، واكد فتدوينة على “اكس” باللي هاد الشي غير كذوب واضاف باللي هادي حرب نفسية وصافي على بلادو

كاظم جلالي كتب باللي هاد لخبار غير “طبول الفتنة” كتنشرها وسائل الاعلام الغربية والناطقة بالفارسية

واضاف “قبل نهار من العدوان الأمريكي والصهيوني على إيران وفصباح أكثر الشهور الإلهية قدسية خرجات خبار باللي الشهيد خامنئي هرب لفنزويلا وروسيا” وباللي هادي تابعة “للحركة الشيطانية” ونفس هاد الوسائل كتقول اليوم ” خبر نقل قائد الثورة إلى روسيا لتلقي العلاج يندرج في حرب نفسية جديدة”.

واوضح بلا ما يعطي حتى دليل على عدم ظهور خامنئي مجتبى لحد الان “القادة الإيرانيون ما محتاجينش يهربو او يتخباو. بلاصتهم فالشوارع بين صفوف الشعب”