كود كازا ////

دابا فاحياء كثيرة فكازا السلطات محركة كتحرر الزناقي والدروبا والشوارع من هادوك للي حتلو الملك العام او دارو شرع يديهم وبناو بلا رخص. هادشي عاجب كازاوا. غير هاد الشي ما كيطبقش على كلشي. صحاب لملاير ما معنيينش بهاد الشي.

منهم زماگري شرا جوج ديور ف”مارينا” فكازا وبدا الاشغال فنونبر 2024  ولحد اليوم مازال خدام. فاللول بدا الاشغال بلا رخصة وفاحتقار لهاد لبلاد قال باللي ما كانش فراسو بالي خاصو رخصة. مشى لجماعة سيدي بليوط وعاد خدا رخصة

من بعد جاب ديگاجور وبدا يريب. اييه. دار ضرر للشقق اللي حداه. كاع السلطات جات وشافت بعينيها ومادارو معاه والو. وصلات بيه الوقاحة حتى رفض يفتح لرجال السلطة، الغريب ما دارو معاه والو

اليةم حنا فنص ماي ومازال خدام. كثر من 7 اشهر وما قاد عليه حد. نهار تجي السلطات وطبق القانون على هادا، نعرفو باللي تطبيق هاد القانون فالبلاد ما كيحابيش هاد لملايرية الجداد