گود سبور//

كتواصل الاندية المغربية إبداعها فالهواية، بالرغم من المجهودات اللي كايديروها الجامعة الملكية المغربية لكرة القدم برئاسة فوزي لتطوير القطاع، وهذه المرة بطل الشوهة الجديدة هو محمد الحيداوي رئيس أولمبيك اسفي واللي اختار يستقبل أعضاء الفريق ديالو على طريقة عزيز البدراوي الرئيس السابق للرجاء الرياضي اللي كان قدم المدرب فوزي البنزرتي واللاعبين قبل موسمين فگيطون.

ودار رئيس المكتب المديري لنادي أولمبيك أسفي لكرة القدم محمد الحيداوي و أعضاء المكتب المديري لقاء تواصلي مع لاعبين الفريق فـ “خزانة” باش يعرفهم بأمين كرمة المدرب الجديد للفريق الأول والطاقم التقني ديالو، فواحد الشوهة جديدة كاتمس بقيمة نادي أولمبيك اسفي والكورة المغربية، وتسيئ للمسير المغربي، خصوصا وان الطريقة باش كان گالس الحيداوي مع أعضاء الفريق فالخزانة بحال إلى گالسين فسوق أسبوعي.

هذه الشوهة المسؤول عليها هو محمد الحيداوي رئيس أولمبيك آسفي، اللي كان مفروض عليه كرئيس ديال نادي مغربي انه يقدم المدرب الجديد بطريقة احترافية كاتواكب التطور واللي كاتعرفو الكورة المغربية ولكن هو فضل يرجع اللور ويدير لقاء فالخرانة.