كود سبور//

خرج الدولي المغربي ياسين بونو من المستشفى اللي تنقل ليه اليوم الأحد فالعشية، من بعدما توعت فماتش فريقو إشبيلية ضد ألميريا فبطولة إسبانيا.

وكشف نادي إشبيلية الإسباني أن الحارس ياسين بونو خرج من السبيطار ومشى للدار ديالو وفيها غايخضع للتتبع الطبي خلال الساعات المقبلة، وهادشي من بعدما خضع لفحوصات طبية بالمستشفى بينات بلي ما عندو حتى مضاعفات.

وكان ياسين بونو خرج فالدقيقة 37 من ماتش إشبيلية ألميريا، وتم النقل ديالو للمستشفى حيث ما قدرش يكمل الماتش بسبب الإصابة.