الرئيسية > ميديا وثقافة > على سلامتهم.. برنامج “أسرتي” غادي يرجع لاستوديوهات عين الشق باش يكملو التورناج واخا كورونا
20/06/2020 10:00 ميديا وثقافة

على سلامتهم.. برنامج “أسرتي” غادي يرجع لاستوديوهات عين الشق باش يكملو التورناج واخا كورونا

على سلامتهم.. برنامج “أسرتي” غادي يرجع لاستوديوهات عين الشق باش يكملو التورناج واخا كورونا

نجوى المالحي-كود//

الخدمة بدات في شركة “ايماج فاكتوري” من بعد توقف دام 3 شهر بسبب جايحة كورونا لي خلاتهم يوقفو التورناجات بناء على شروط حطها المركز السينمائي المغربي.

والتبركيكة لي جابت “كود” أن شركة الانتاج غادي تبدا السيمانة الجاية تصوير حلقات جديدة من برنامج “أسرتي” لي كيدوز في الأولى ولي كتقدمو زينب صابر ومروان غرناطي.

التحضيرات خدامة، وكانت نيت هاد السيمانة، زينب ضايفات مروان في دارها باش يوجدو للحلقات لي مازال ليهم ولي مقرر يساليوهم من بعد شهر ونص ديال التورناج في استوديوهات عين الشق في كازا.

هاد البرنامج لي كيشبه لصباحيات دوزيم بدا العرض ديالو في رمضان وهو برنامج ديال الأسرة كيدويو فيه على صحة ولاموض والطبخ وما جاور ذلك.

موضوعات أخرى

12/07/2020 08:30

حيت المغرب مارجعش عاملات حقول الفريز الحاصلات فاسبانيا.. صحاب الحقول باغيين يوقفو جلب العمالة من المغرب ويجيبوها من اوروبا الشرقية