كود – كازا ///

قالت جورنالات إسبانية، بللي الشرطة الإيطالية وقفات، مؤخرا، 3 ديال الأشخاص من الجنسية المغربية، كتتراوح أعمارهم بين 18 و20 عاما، بسبب محاولة الاعتداء على بطل الفورمولا وان “كارلوس ساينز”، وسرقة مگانة ديالو ساوية 315 ألف يورو ف ميلانو.

وحسب المصادر ذاتها، استهدف المتهمون سائق الفورمولا 1 الإسباني كارلوس ساينز (فيراري) قدام مدخل أوطيل وقربو منو وسحاب ليه من المعجبين وباغين يتصورو معاه وخدموه في المگانة، لكن تمكن من استعادتها بعد مطاردتهم واحتجازهم، بمساعدة عدد من أعضاء فريقه وبعض المارة..