وكالات//

كتاشفت واحد المجموعة من العلماء بزاف ديال التلال والوديان الخضرا مخبية من ملايين السنين تحت جليد القارة الجنوبية.

وكيرجحو العلماء، أن هاد اللوحة الطبيعية لي من عند الله، بقات على حالها محفوظة تحت الجليد من تقريبا 34 عام، على حساب ما جا في الدراسة ديالهم.

ستيوارت جاميسون، وهو الباحث لي دار هاد الدراسة لي تنشرات في مجلة “نيتشر كوميونيكيشنز” قال لوكالة فرانس برس، إن هذا “مشهد طبيعي ماسبقش اكتشافه وماعمر شي واحد شافو من قبل”.

وعلى الرغم من جمالية هاد الاكتشاف إلى أن العلماء مخلوعين من أن الاحتباس الحراري والسخونية د الأرض هي لي كتدير هادشي، وكتأدي لذوبان الجليد.