وكالات //

مجموعة من علماء الآثار فميريكان علنو أنهم لقاو 2 دالمقابر ديال حوت القرش، كيقولو أنهم من فصائل جديدة ماعمرها اتكتاشفات، وكتقول أنها كترجع لأكثر من 325 عام.

على حساب ما جا فالمجلة ديال “لايف ساينس “livescience، فهاد الاكتشاف يقدر يكون ثورة كبيرة فمجال الاكتشافات البحرية وغادي يخلي العلماء يفهمو مزيان الحياة البرية.

وكيقولو كذلك أن القروش لي لقاو فهاد المقابر من نفس السلالات القديمة ديال القروش لي كاينين دابا وهوما من مجموعة Ctenacanthus لي عندهم سلسول ديال الظهر فيه الشوك بحال المشطة ديال الشعر.

واحد من العلماء لي شاركوا فهاد الاكتشاف قال أنهم تفاجؤوا بالصحة ديال السنان ديالهم وقالو أنهم بقاو صحاص بحال ايلا يالاه ماوتو ماشي 325 عام هادي.