وكالات //

مجموعة من الباحثين النكالزة طورو اختبار جديد للكشف على كونصير الوالدة يقدر ينقذ بزاف د العيالات من ديك الإجراءات المؤلمة ديال الاختبارات ولي كيخافو منها بزاف د العيالات.

هاد الاختبار الجديد غادي يمكن العيالات لي كيعانيو من نزيف فالوالدة غير طبيعي يعرفو واش فيهم شي حاجة ولا لا بسهولة.

لقاو الخبراء أن هاد الاختبار لي كيدير المسحة المهبلية أكثر دقة من الاختبارات لخرا لي كتدار دابا في المختبرات.

غير باش تعرفو، العيالات لي شكو فيهم هاد المرض كيديرو ليهم اختبارات بالسكانير على المهبل، وايلا لقاو بطانة غليضة كيشكو بأنه الكونصير.

ومن بعد كيديرو واحد التيو كيدخلوه للوالدة فيه كاميرا باش الطبيب يقدر يشوف ويعرف شنو كاين.

وهاد الاختبار معروف أنه مؤلم بزاف، ويقدر عيالات خرين ياخدو ليهم واحد الطريف من الوالدة باش يديرو عليها التحاليل.