وكالات //

كشفو علماء في جامعة كولورادو الميريكانية أن عدد الحرائق فالغابات ولات كتوقع فالليل بسباب تغير المناخ.

الباحثين قامو بتحليل بزاف ديال البيانات اللي حصلو عليها من الأقمار الصناعية على 81 ألف حريق، ولقاو أن درجات الحرارة ولات كتطلع حتى بالليل.

ولقاو الباحثين أنه بسبب التغيرات المناخية ما بين 1979-2020 زاد في غرب ميريكان عدد الليالي الخطيرة بمقدار 11 ليلة إضافية، أي أن نسبة الزيادة فعدد الليالي الخايبة اللي دازو فيها حرائق وشعلات فيها العوافي فعدد من البلايص وخصوصا فالغابات، تعادل 45 فالمية، مع العلم أنه قبل 40 عام كانت الليالي أكثر رطوبة، وهادشي كان كيسهل على البومبية باش يسيطرو على العافية.