وكالات//
بزاف العلماء فالاتحاد الأوروبي، قالو الأربعاء، إنه من شبه المؤكد أن العام لي عايشينو دابا غادي يكون الأكثر سخونية فدرجات الحرارة من هادي 125 ألف عام.
هادشي جا بعدما كشفات البيانات أن شهر أكتوبر لي فات كان الأكثر حرارة في العالم من كاع ديك السنين.
مرصد كوبرنيكوس لي مهتم بتغير المناخ ولي تابع للاتحاد الأوروبي، كشف أن الشهر لي فات حطَّم الرقم القياسي السابق في درجات الحرارة لي تسجلات في أكتوبر من عام 2019 بفارق كبير.
من جهتها، وصفات سامانثا بيرجيس، لي هي نائبة مدير المرصد، الخلل لي عرفاتو درجات الحرارة في أكتوبر بأنه “شديد بزاف”، وقالت “الرقم القياسي تهرس بـ0.4 درجة مئوية وهو فارق كبير بزاف”.
هادشي هذا جاي نتيجة ارتفاع الاحتباس الحراري والسخونية د الآرض بسباب الثلوث وكينذر بكوارث بيئية كبيرة في المستقبل.
