الرئيسية > كود-تيفي > علماء اكتاشفو كائن غريب وسط البحر – فيديو
30/07/2022 02:00 كود-تيفي

علماء اكتاشفو كائن غريب وسط البحر – فيديو

علماء اكتاشفو كائن غريب وسط البحر – فيديو

وكالات //

اكتاشف كَروب ديال العلماء كائن غريب وسط البحر، فأعماق المحيط الهادئ، قريب من واحد الجبل بحري يلاه تكتاشف حتى هو لأول مرة شمال “جونستون أتول”، اللي هي منطقة ميريكانية فيها “محمية وطنية للحياة البرية” فالمحيط الهادئ غرب هاواي.

هاد العلماء كانو فخرجة علمية فوق البابور ديالهم “E / V Nautilus”، اللي هو باطو خاص بالبحث العلمي فالمجال البحري تابع لمؤسسة “Ocean Exploration Trust”، اللي كتدير أبحاث فأعماق البحار، وهاد الاكتشاف صوروه فمقطع فيديو اللي تنشر مؤخرا.

العلماء قالو بللي شافو الكائن المعني فبلاصة قريبة من جبل بحري، و فاللول حساب ليهم واحد النوع من المرجان “Solumbellula”، اللي معروف أيضا ب”قلم البحر” (Sea Pen)، لكن دابا كيحاولو يتأكدو من هاد الاحتمال، وإلا فهوما قدام احتمال كبير أنهم اكتاشفو بالصدفة “حيوان” غريب ماعمرو تشاف قبل.

وقال ستيف أوسكافيتش، الباحث الرئيسي فهاد البعثة بللي منظر هاد “الحيوان” رائع، وزاد: “مرا مرا كنصادفو شي حوايج غريبين، وهادشي اللي كيخلينا حاولو نردو البال بتركيز كبير فاش كانكونو خارجين فميسيون بحال هادي”.

وكيقول ستيف بللي هاد الكائن كبير بالمقارنة مع “قلم البحر”، و هاد النوع من المرجان ما عمرو ما لقاوه فالمحيط الهادئ أصلا.

موضوعات أخرى

12/08/2022 18:00

مهرجان “رابا أفريكا”.. الرابورة “ختك” هانت الصحافيين وبقات كتشرط عليهم: خاصكم تجيبوني زوينة فالكادر والى جا الفيديو خايب غادي تمسحوه – فيديو

12/08/2022 16:30

فضيحة فرض الصلاة الجماعية على دراري صغار فمخيم بالهرهورة.. مصدر بوزارة الشباب لـ”كود”: الجوج اللي مور هادشي من جمعية الطلائع.. الصلاة جماعة ممنوعة ولي بغا يصلي يمشي للجامع