الرئيسية > تبركيك > علاقة استغلال جنسي وابتزاز خرجات على مدير فندق كبير بالرباط…..المدير قدم الاستقالة والضحية خسرت الخدمة ديالها
13/04/2019 19:00 تبركيك

علاقة استغلال جنسي وابتزاز خرجات على مدير فندق كبير بالرباط…..المدير قدم الاستقالة والضحية خسرت الخدمة ديالها

علاقة استغلال جنسي وابتزاز خرجات على مدير فندق كبير بالرباط…..المدير قدم الاستقالة والضحية خسرت الخدمة ديالها

كود الرباط//

ضحت إدارة فندق كبير بالرباط بمدير الفندق على خلفية تفجر فضيحة جنسية. مدير الفندق تفرشات القضية ديالو ملي مارس الابتزاز و التعسف بحق الضحية ديالو.

مدير الفندق اللي فالعقد الخامس ديالو، طاح بمتدربة بالفندق وقام بإغرائها بالهدايا، وتطور العلاقة لكتري لها شقة بالسكن الاجتماعي هي و عائلتها. مدير الفندق لم يتقبل ان توقف شريكته العلاقة الجنسية بعد دخولها في علاقة رسمية بهدف الزواج رفقة أحد أقاربها.

مدير الفندق و في خطوة لإخضاع شريكته، وقف ليها الكونطرا، وخيرها بين الفراش والنزوات ديالو أو تمشي فحالها.
ضحية الابتزاز وحيث عارف راسها مغتخسر والو، قررت تفرش القضية وتوجهات للادارة. فالاول مدير الفندق أنكر وهددها بالقضاء وداكشي. و لكن بعض التسجيلات المرئية أظهرت ان الضحية كانت تقضي بمكتبه وقتا طويلا خاصة ما بعد فترة الظهيرة،.

إدارة الفندق خيرت المدير بين الاستقالة أو مواجهة القضاء وتحمل تبعات ضرب سمعة الفندق وصورته، خاصة بعد أن تسربت الفضيحة فحدى صفحات مواقع التواصل الاجتماعي قبل حذفها.

في النهاية استقال مدير الفندق لكن الضحية دفعت هي الاخرى ثمن فضح علاقة كانت هي الخاسر الاكبر فيها.

موضوعات أخرى