كود الرباط//

المغرب غيكون ضيف شرف فـ قمة دولية حول تربية المواشي للي غادي تنظم ما بين 7 و10 أكتوبر فـ مدينة كليرمون فيران بفرنسا، واللي كاتعتبر وحدة من أكبر التظاهرات الفلاحية فالعالم.

الاختيار ديال المغرب ما جاش من فراغ. فرنسا، اللي كتنظم القمة، شافت فالمغرب شريك استراتيجي فمجال تربية المواشي، خصوصا فظل المشاريع اللي بدات كتخدم عليهم المملكة، بحال تطوير السلالات المحلية، تحسين الأعلاف، والتوجه نحو فلاحة مستدامة.

وزارة الفلاحة المغربية كتوجد راسها مزيان لهاد الموعد، وهادشي بان فـ الاجتماعات اللي بدات كتدار بين المهنيين فـ القطاع، واللي الهدف منها هو تقديم صورة حديثة على الفلاحة المغربية، خصوصا تربية المواشي (الخرفان، الابقار…)، اللي ولات كتساهم بشكل كبير فـ الاقتصاد الوطني، وكتشغل آلاف العائلات فالبوادي.

المغرب طبعا كيوجد يقدم عروض ولقاءات مع مستثمرين ومهنيين عالميين. بهدف جلب استثمارات، وتبادل تجارب، وفتح أبواب جديدة للصادرات الفلاحية المغربية. اضافة الى ان الامطار الاخيرة لي عرفات بلادنا غاتزيد تعطي قيمة كثر للعرض المغربي.

القمة غتعرف حضور أزيد من 1.500 عارض و100.000 زائر من أكثر من 80 دولة.

قمة تربية المواشي (Sommet de l’Élevage) ما كتقتصرش فقط على “المواشي” بمعناها المنتشر والمعروف، بل كتشمل جميع أنواع الحيوانات المربّاة فالإنتاج الحيواني، وعلى رأسهم: الأبقار (وخاصة أبقار الحليب وأبقار اللحم)، الأغنام، المعز، الخيول، وأحياناً حتى الجمال والدواجن فبعض العروض

يعني الأَبقار داخلة فهاد القمة، بل حتى هي كتشكل واحد من أبرز المحاور، خصوصاً من ناحية السلالات، الجودة، الإنتاج، وحتى تكنولوجيا الحلب وتغذية الأبقار.