كود -larazon//

بينات دراسة جديدة خارجة من مركز البحوث الاجتماعية فإسبانيا (CIS)، واللي دّارت على عينة كتفوت 4000 واحد، باللي 24.6% من البالغين ما داروش أي علاقة جنسية ف 12 شهر لي فات، مقابل 75.1% اللي صرّحو أنهم بقاو نشيطين جنسياً، سواء مع الشريك ديالهم أو مع وحدين. آخرين.

وحسب نفس الدراسة، كترجع الأسباب الرئيسية لغياب النشاط الجنسي لانعدام الرغبة أو الاهتمام بنسبة 16.3%، عاد الترمل بنسبة 13.5%، زيد المشاكل الصحية سوا عند الشخص أو عند الشريك بنسبة 12.2%.

بالنسبة لأهمية العلاقات، أكد 73.5% من المستجوبين باللي وجود علاقة عاطفية ضروري باش يعيش الإنسان حياة مزيانة، واعتبر 84.8% أن العيش مع الشريك تحت سقف واحد مهم، و85.5% شددو على أهمية الاستقلال المالي وسط العلاقة.

ومن جهة أخرى، كشفات الدراسة أن 78.8% من الإسبان كيشوفو باللي العلاقات العاطفية والجنسية ولات مضطربة مقارنة مع شحال هادي، وأن 61.8% كيشوفو فيها لا يقين كثر من قبل، كيف ما اعتبر 73.3% أن الإنترنت ووسائل التواصل الاجتماعي بدلو العلاقات بشكل جذري.

واخا هاد التحديات، قالت الأغلبية بلي كاينين جوانب إيجابية، حيث 81.6% كيشوفو أن العلاقات اليوم كتوفّر حرية فردية كبر، و75.6% كيشيروا لمساواة كثر بين الرجل والمرأة، اما 64.2% كيشوفوها أكثر متعة من قبل.

وبخصوص نمط العلاقات، بينات النتائج أن 97.4% من الأشخاص المرتبطين كيعتمدو على علاقات فردية (monogamie)، مقابل 1.2%  اللي كيعترفو بعلاقات مفتوحة.

أما بالنسبة للعزارا، فـ22.3% منهم عندهم علاقات عابرة، و73.4% ما عندهم حتى علاقة، و36.6% باغيين يبقاو وحدهم لخمس سنين، و20.5% باغيين علاقة مستقرة بلا زواج، و17.5% كيميلو لعلاقات منفصلة.

أما التجارب الجنسية، صرّح 12.9% أنهم جربو علاقات مفتوحة، و7.9% جربو ممارسات ديال السيطرة، و6.8% عندهم ميولات خاصة، و5.2% عاشو علاقات مخلطة، و4.7% شاركو فحفلات جماعية.

كما سجلات الدراسة إقبال على المنتجات الجنسية، 58.5% من المشاركين اعترفوا باستعمال لألعاب جنسية ولا مزلقات أو زيوت ولا لباس مثير، وغالباً مع الشريك، باش يكتاشفو بنسبة 33.9%، ويحستو الأداء الجنسي بنسبة 26.1%، والمتعة بنسبة 23.8%.

وفجانب آخر، عبّر 80.6% من المستجوبين على رفضهم لفكرة ممارسة الجنس مع الروبوتات، أما 56.7% قالو لن استعمال الألعاب الجنسية يمكن يساهم في تحسين الحياة الجنسية.

كتنسجم هاد النتائج مع دراسات أخرى لـCIS  اللي بيّنت أن حوالي 73% من الإسبان راضين على حياتهم الجنسية، وأن نسبة كبيرة كتعتبر العلاقات العاطفية عنصر أساسي فالحياة. هاد النتائج مع دراسات أخرى لـCIS  اللي بيّنت أن حوالي 73% من الإسبان راضين على حياتهم الجنسية، وأن نسبة كبيرة كتعتبر العلاقات العاطفية عنصر أساسي فالحياة .

https://www.larazon.es/sociedad/uno-cada-cuatro-espanoles-tenido-relaciones-sexuales-ultimo-ano-segun-cis_2026032669c526d06b2f88359257ce53.html