كود -وكالات//

الشمان ماشي غير تضييع للوقت عند الكلب، ولكن بل هو نشاط طبيعي ومهم كيساعدو يستكشف المحيط ديالو ويرتاح نفسياً.

البيطريين وخبراء سلوك الكلاب كينصحو مالين الكلاب ما يمنعوش حيوانهم من أنهم يحبسو كلامهم يشمو الأشجار، النباتات، البوطوات وحتى البلايص اللي دازو منهم كلاب وحيوانات أخرى، حيث حاسة الشم عند الكلب قوية ومتطورة بزاف، وكتخليه يجمع معلومات على البلاصة وعلى الحيوانات والأشخاص اللي سبق ليهم دازو من تما.

وزيادة على الاستكشاف، الشم كيوفر للكلب واحد النوع ديال التحفيز العقلي، هاد النشاط كيعاون ينقص الستريس والقلق، وكيحارب الملل والإحباط، وكيخلي الكلب ترونكيل ومتوازن نفسيا.

الخبراء كيشددو على أهمية التوازن و ماشي ضروري الكلب يبقى واقف كيشم كل حاجة طول الخرجة، ولكن من الأحسن يتقسم الوقت بين المشي والحركة وبين وقيتة قصيرة يبقا فيها يشم ويستكشف بالطريقة ديالو.

وهاد الأمر كيكون مهم خصوصاً للكلاب اللي عايشة فالمدن، حيث المساحات الطبيعية وفرص الاستكشاف كتكون محدودة.

بمعنى آخر، ملي الكلب كيشم وهو خارج، راه ماشي كـ”يضيع الوقت”، وإنما كيدير واحد النشاط طبيعي كيحفز العقل ديالو وكيعاون طول على الراحة النفسية .