كود – وكالات //

عرفات الساحة الخارجية ديال جامع  “الفتاح العليم” فالعاصمة الإدارية الجديدة بمصر حفل زواج ، فيه موسيقي وشطيح بحضور كوامانجية قدام مجسم فني كيمثل القرآن.

هاد الأجواء الاحتفالية الراقية حركات نقاش فمنصات التواصل الاجتماعي بين نظرات مختلفة للحياة والفن.

المناسبة تميزات بلمسات إبداعية وعصرية، بحال اختيار سينوغرافيا فنية مقتبسة من آيات الزواج بسورة “الروم” قدام عازفة الكمانجة، و دعوات الحضور بنفس ديزاين، هاد التفاصيل الإستيتيكية اعتبروها البعض تعبير زوين على الفرحة ، خصوصاً وأن الحفل كان فالساحات الخارجية والمرافق المخصصة للمناسبات .

https://x.com/ChahinazTaher/status/2096036018868666734/video/1?s=46

هاد التوجه كيشجع على الانفتاح وتوسيع مفهوم الفضاءات العامة باش تاسع لجميع أشكال التعبير الفني والثقافي.

التجربة كتخلينا نخممو كيفاش نقدرو ندمجو الفن والموسيقى فجميع لحظات حياتنا وفمختلف الفضاءات؟ هاد التجربة كتحل الباب لإعادة التفكير فكيفاش تكون المناسبات تجمع بين التقاليد وروح العصر والتعبير الفني الحر.