وكالات//

خرجات المغنية الميريكانية المشهورة ليدي كَاكَا، باش تهضر لأول مرة على الشائعات لي كانت كتبعها ولي كتقول أنها راجل وماشي مراة.

هادشي كان فين كانت ضيفة على برنامج بيل غيتس الجديد على نتفليكس ولي سميتو What’s Next? The Future With Bill Gates.

وقالت ليدي كَاكَا أنها مكنتش كتدي نهائيا على هاد الشائعات ببساطة لأنها مكنتش باغا تعطي للناس الانطباع بأنها ضحية، وعمرها ماخرجات للصحافة باش ترد على هادشي.

وسبق لليدي غاغا أنها قالت بلي ماشي مطالبة تدير بلاغ صحفي ترد فيه على هاد الشائعات، حينت هي ممهتماش وحتى المعجبين ديالها، كيف كتقول.

وكانو بزاف ديال التصاور تبارطاجاو في السوشيال ميديا شحال هادي كتقول أن ليدي كَاكَا راجل وماشي مراة، ولكن من بعد تبين أنهم ماشي صحاح.