كود – وكالات//

بزاف من الرجال كيتكمش لهم العضو الذكري مورا حصة ديال لنوطريما قوية، وهي ظاهرة معروفة باسم “قضيب الصالة الرياضية”. وخا أنها كتقدر تخلق الإحراج، ولكن ممرض التجميل الأمريكي كريس بوستامانتي كيأكد بأنها مؤقتة وما فيها حتى خطر على الصحة.

وحسب بوستامانتي، السبب الرئيسي هو أن الجسم مع لونطريما كيحوّل تدفق الدم لعضلات والقلب والرية والجلد باش يقدر يواكب المجهود البدني، وهاد الشي كيخلي القضيب يبان صغير ،كما أن تمارين الكارديو، ورفع الأثقال الثقيلة، وأي نشاط كيرفع الأدرينالين كيزيد من هاد التأثير.

وكيضيف أن الحجم الطبيعي كيرجع مني الجسم كيبرد، والأعصاب كترتاح، والدورة الدموية كترجع لوضعها العادي، وغالباً هاد الشي كيوقع ما بين بضع دقائق وساعة من بعد نهاية التمرين ،ولكن إذا كان الشخص عندو جفاف، أو شرب بزاف ديال الكافيين أو مشروبات ما قبل التمرين، أو تمرن فالجو البارد، يقدر يطول الوقت شوية.

الفرملي قال أن المشكل الحقيقي كيكون نفسي أكثر منو جسدي، حيث بعض الرجال كيحسو بالحشومية فغرف تبديل الملابس، وكيبداو يقارنو راسهم بالآخرين، أو كيظنو أن عندهم مشكل صحي، مع أن الظاهرة عادية ومؤقتة.