كود – infosalus//

إلى بقيتي غادي جاي للطواليط شي خطرة مني كنتي كضرب الطاسة ، راه ماشي غير حيث شربتي بزاف، السبب الطبي كيرجع لحقاش لالكول كينقص من هورمون سميتو “الفازوبريسين”هاد الهورمون مهم كيعاون الكلاوي يحتافظو بالماء فالجسم ،ملي كيتحبس هاد الهورمون الكلاوي ما كيبقاوش يشدو الماء مزيان، وكيولي الجسم كيخرج البول دغيا وكيوقع الجفاف.

فهاد السياق شرح الدكتور إميليو سانشيز، رئيس الجمعية الإسبانية لأمراض الكلاوي، فتصريح لموقع Sociedad Española de Nefrología من وكالة Europa Press، بلي تأثير الشراب  على التبول ما مرتبطش باشنو شربتي، ولكن حتى بشحال .

الدكتور سانشيز كيأكد على عادة مزيانة ديال شريب الما مع الشراب ،حيث الماء كيعاون يعوض الجفاف لي كيوقع بسبب لالكول، ولكن إلا كثرنا منو بزاف، يقدر يوقع نقص فتركيز الصوديوم فالدم، هاد الحالة سميتها “نقص صوديوم الدم”،
امشي علاش غالبا الجسم كيبغي شي حاجة مالحة  وهاد الشي عندو تفسير طبي، حيث الملحة كتعاون فتعوض الخسارة ديال الصوديوم لي كيوقع مع كثرة البول.

https://www.infosalus.com/salud-investigacion/noticia-orinas-mas-cuando-bebes-cerveza-vino-explicacion-medica-no-conocias-20260221075955.html?tbref=hp