كود الرباط//
قال المهدي بنسعيد، وزير الثقافة والشباب والاتصال، في حديث مع “كود” بخصوص الوضع الثقافي والفني لمدينة كازا للي كتعيش “قمع” فني بسبب بعض القرارات ديال السلطة، (قال) :”اولا كازا فيها مهرجانات، كاين البولفار وكاين جاز الدار البيضاء وقبل كان مهرجان المدينة”.
وشدد بنسعيد لـ”كود” :”اللي كيطلع المشروع هوما ساكنة المدينة. وأن اغلب المهرجانات اللي كينجحو كيكونو مبنيين على موروث ثقافي ديال المدينة واللي كيطلعو المشروع هوما ابناء المدينة”.
وأوضح بنسعيد :”كازا غنية بهوية متنوعة، بـ”تاكازويت” ومثقين ولهذا خص تكون دينامية فهاد المدينة، لذلك فهاد الاطار عندنا اتفاقية مع مجلس الجهة فالأسابيع المقبلة”.
وأفاد المتحدث بأن الهدف من الاتفاقية هو تنشيط مدينة الثقافة ونخدمو خدمة عمومية وكذلك خلق دينامية جديدة وباش المقاولات الثقافية تقوي الوجود ديال المهرجانات.
وأضاف الوزير بنسعيد :”الدار البيضاء كبيرة وخاص كذلك تقوية الثقافات الشعبية خارج المدينة (سطات، الجديدة وو..) وهادشي خاص تكون دينامية وكيف كتشوفو كناواة تروج بفعل فاعلين فالقطاع الخاص والمجتمع المدني. الدينامية كتبدا من المجتمع والدولة كادعمها”.
وشدد المتحدث بأن وزارة كاتوقف مع الدينامية للي كتكون والمبادرات لي كيكونو، وبالتالي ملي كتجي مبادرة من مثقفين وفنانين حنا كندعموها، موضحا :”ناس المدينة هوما لي كيعطيو الدينامية”.
