كود -وكالات //

الربيع هو واحد من أهم الفصول فالحياة ديال الكائنات الحية، حيث فيه كيتبدل كلشي تقريباً وسط الجسم ديال الحيوان وحتى الإنسان، السبب العلمي الأساسي هو الضوء ديال الشمس لي كيزيد فهاد الفترة، وكيأثر مباشرة على الدماغ  بهرمونات بحال “الميلاتونين” لي كينقص مع طول النهار.

منين كينقص الميلاتونين، الجسم كيبدا ينشط هرمونات أخرى بحال GnRH ومن بعد FSH وLH، وهادشي كيرفع الخصوبة وكيخلي الحيوانات تدخل فموسم التزاوج، داكشي علاش كنشوفو فربيع الجران كينقنق و الطيور كترجع من الهجرة، والسبوعا والحيوانات كينوضوها على التزاوج.

حتى الإنسان ماشي خارج هاد التأثير، ولكن بشكل ضعيف. فربيع كيزيد السيروتونين اللي كيعطي إحساس مزيان، وكيهبط الميلاتونين، وهادشي كيأثر على المزاج والطاقة وحتى الرغبة الاجتماعية والجنسية عند بعض الناس ،حتى الشمس كتعاون الجسم يصنع فيتامين D اللي عندو علاقة غير مباشرة بالهرمونات.

الربيع حتى إيكولوجياً مهم، حيث كيتزامن مع وفرة الغذاء، وكيعطي فرصة للصغار باش يكبرو مزيان ، ولكن مع تغيّر المناخ، هاد التوازن بدا كيتزعزع فبعض المناطق ،فالأخير، الربيع ماشي غير فصل زوين ولكن  نظام بيولوجي دقيق كيربط الضو بالهرمونات وبالحياة كاملة، من أصغر حشرة حتى الإنسان.