الرئيسية > آراء > علاش عمد ورؤساء جماعات المدن ما يديروش بحال عمدتا طنجة وتطوان ويمنعو تشواط الريوس. كازا والرباط ومراكش واكادير وفاس خاصهم يتبعوهم وكلهم من نفس الحزب
10/08/2019 10:00 آراء

علاش عمد ورؤساء جماعات المدن ما يديروش بحال عمدتا طنجة وتطوان ويمنعو تشواط الريوس. كازا والرباط ومراكش واكادير وفاس خاصهم يتبعوهم وكلهم من نفس الحزب

علاش عمد ورؤساء جماعات المدن ما يديروش بحال عمدتا طنجة وتطوان ويمنعو تشواط الريوس. كازا والرباط ومراكش واكادير وفاس خاصهم يتبعوهم وكلهم من نفس الحزب
كود هناء ابو علي ////
منع تشواط الريوس ديال حولي العيد لكبير قرار مزيان واخا ماشي عمدة طنجة اللي فكر فيه. اللي طلبو هو والي طنجة تطوان محمد مهيدية وعمدة المدينة عن حزب العدالة والتنمية غير طبقو. هاد الشي دار ماشي للمحافظة على شروط النظافة والسلامة والصحة العمومية كيف قالو٬ واخا هاد الهدرة راها معقولة. غير هو علاش يا منتخبين ما فكرتوش فهاد الشي هادي سنوات او على الاقل من نهار وليتو عمدة هادي 3 سنين.
اذن القرار تخاد حقاش الملك محمد السادس غادي يعيد فالشمال. هاد الشي علاش كيفسر ان المجلس البلدي لتطوان دار نفس القرار “ممنوع تشواط الريوس نهار العيد فالشوارع والزناقي”.
دابا ماشي خاص المدن الاخرى تتسنى حتى يعيد عندها الملك مستقبلا عاد يفرح سكانها فقرار بحال هادا. عام بعد عام الفوضى كتكبر فشوارع المدن المغربية. التسيب كيكثار وكلشي كيولي كيشوط الريوس.
دابا علاش المدن لكبيرة السياحية او غيرها ما تخرجش قرار مماثل. كاع المدن لكبيرة والصغيرة حتى هي٬ يمنعو يشوطو الريوس فالشارع. حشومة مدن بحال كازا ولا مراكش ولا اكادير ولا الرباط ولا فاس ما يخرجش قرار تنظيمي مؤقت بحال اللي خرج فتطوان وطنجة.
هاد المدن وغيرها كيسيرها نفس الحزب اي العدالة والتنمية. علاش عمدة ديالهم فنطجة خدا قرار ولخراين للا.
هاد السيبة ديال التشواط خاصها توقف. وهاد الشي ما يمكن يكون الا بالقانون. وخودو طنجة وتطوان قدوة

موضوعات أخرى