كود -كازا//

مع موجة الحرارة اللي ولات كتضرب بزاف ديال المناطق فالمغرب، بزاف ديال الناس كيسولو علاش طائرات ، بحال “كانادير” كيحبسو الخدمة مع غروب الشمش؟

حسب خبير طيران فرنسي فتصريح ليه مع جريدة ”لاديبيش“ الشروط تقنية كتخلي الطيران الليلي خطير بزاف.

الخبير”كزافيي تيتلمان“ وضح أن هاد الطيارات خاصها تهبط على نيفو نازل بزاف باش ترش الما فوق العافية نيشان,أما فالليل، ومع غياب الإضاءة الطبيعية، كيولي الطيران قريب من الجبال والغابات والتضاريس مخاطرة كبيرة، وخا كاينين نظاظر ديال الليل حيث الطائرات الحالية ما مصمماش باش تخدم بهاد التكنولوجيا، و الأضواء والشاشات وسط الطيارة كتأثر على الرؤية وكتمنع البيلوط يشوف اشنو كاين برا الطيارة.

بالنسبة للطائرات العسكرية، بحال “هيركوليس C-130” و”إيرباص A400M”، مختلفة لحقاش تصممات من اللول للعمليات الليلية، اما بلاصة السوكان كتكون متوافقة مع نظاظر الرؤية الليلية ، الجيل الجديد من طائرات إطفاء الحرائق، لي غادي يخرج السنوات الجاية، يقدر يكون قادر يطيح الما بالليلكيقول الحرايفي.