الرئيسية > آش واقع > علاش صحراوا تقصاو من مشية للمكسيك؟. ناشط صحراوي لـ”كود”: اقصاءنا خطأ كبير
04/05/2022 15:30 آش واقع

علاش صحراوا تقصاو من مشية للمكسيك؟. ناشط صحراوي لـ”كود”: اقصاءنا خطأ كبير

علاش صحراوا تقصاو من مشية للمكسيك؟. ناشط صحراوي لـ”كود”: اقصاءنا خطأ كبير

احمد الطيب – كود الرباط//

الانجازات اللي كتقق الدبلوماسية خارجيا، كيهرسوها شي وحدين داخليا، بالاختيارات لي كيديرو مرة، بحيث الحكومة صيفطات مسؤولين فشبيبات حزبية وبرلمانيين ومنتخبين باش يشاركو فمنتدى دولي بالمكسيك منتدى على العدالة الاجتماعية، كتشارك فيه البوليسارو والدزاير واعداء الوحدة الترابية

كاين نشطاء فاحزاب التحالف الحكومي غير هو غاب ممثلين عن ساكنة الصحراء وممثليها.

فهاد اللقاءات الدولية كتنوض نقاشات وحرب اعلامية، خصها ناس لي تهضر على حقها واصلها وتاريخها واحقيتها القانونية والتاريخية للترافع على قضية الصحراء، اي خصها صحراوا يهضرو هو لي يتناقشو ويتجادلو.

وقال ناشط صحراوي وهو منتخب بجماعة بالاقاليم الجنوبية لـ”كود” :”بصفة نهائية مكاين لي يعيط لينا ولا تسوق للنشطاء الصحراويين الوحدويين والديمقراطيين، وشفنا كيفاش تحولت هاد الانشطة الدولية إلى سياحة بالنسبة للشبيبات الحزبية والجمعويين”.

وأضاف الناشط الصحراوي لـ”كود” “: قدما كانت البوليساريو ضعيف دبلومسا قدما شفنا اقصاء صحراوي الداخل “، وهذا مؤشر خايب.. “، موضحا :”حتا لي مشاو مكاينش بروفيل فالمستوى وحنا عارفين بعض الاحزاب كيفاش كتعامل مع القضية”.

وتابع :”خطأ كبير نظنو بلي قضية الصحراء انتهت بالانتصارات الدبلوماسية، طفرة فقط ولم تنتهي”، مشيرا بلي مشاركة الصحراويين فهاد المنتديات الدولية بدات كتراجع منذ حكومة العدالة والتنمية الاولى حتا وصلنا مع الحكومة للنهاية.

موضوعات أخرى

21/05/2022 09:30

تشكيل حكومة ماكرون الجديدة.. المعطي قبال الكاتب المغربي اللي عايش ففرنسا لـ”كَود”: بعض الأسماء عندهم كاريزما وكولونا هي وحدة من مهندسي السياسة الخارجية الفرنسية اتجاه الدول العربية

21/05/2022 09:00

رئيس اتحاد طنجة للباسكيط ما خلا ما كّال على حزب العدالة والتنمية اللي كان حاكم طنجة: نكرات، ظلاميون، تجار الدين، مطرودون – فيديو