كود -وكالات//

بزاف ديال لولاد اليوم من Gen Z والـMillennials ما بقاوش كيزعمو يقربو للبنات بحال قبل، وماشي حيث ماشي حيث باغينش العلاقات أو ما كيعجبهم حتى حد، ولكن حيث ولى عندهم الخوف يتفهمو بالغلط .

واحد الاستطلاع فـ2025 لقا أن 44% من الرجال العازبين كيترددو يبداو الهضرة مع شي امرأة بسبب الخوف يتوصفو بأنهم «creepy» أو مبرزطين،ومع السوشيال ميديا والتصوير اللي ولى ساهل، بعض الرجال ولى كيشوف أن ديال محاولة فالتقرب ممكن تقلب عليه وتولي مادة ديال الضحك فالإنترنت.

وفنفس الوقت، كاين مفارقة كبيرة: بزاف ديال العيالات كيقولو إنهم أصلاً باغين الرجال يبداو الخطوة اللولة، حسب نفس التقرير، 77% من العيالات بين 18 و30 عام كيتمنّاو الرجال يقربو ليهم أكثر، والنسبة كتوصّل لـ68% عند العيالات فالثلاثينات.

ولكن العيالات حتى هما عندهم أسباب باش يكونو على بال، خصوصاً أن بعض التجارب خلاتهم يخافو من رجال ما كيحترموش الرفض وكيبقاو تابعين المرأة أو كيتجاوزو الحدود ديالها.ط، وهنا ولى بزاف ديال الرجال حايرين: كيفاش تبادر بطريقة محترمة بلا ما تبان مزعج أو متحرش؟

والنتيجة هي أن المواعدة ولات فواحد الحالة غريبة، الرجال كيتسناو والعيالات كيتسناو، وتطبيقات الملاقية هي اللي كتوسط وخا أن بزاف ديال الناس أصلاً ما كيعجبهمش هاد النوع ديال التعارف، المشكل ماشي أن الشباب ما بقاوش باغين الحب والعلاقات، ولكن ولات عندهم حيرة كبيرة فكيفاش يقربو من الطرف الآخر بلا ما يديرو شي حاجة تتفهم غلط، يعني الرغبة فالعلاقة ما تبدلاتش، اللي تبدل هو الإحساس بأن الطريق ليها ولى معقد وصعيب.