كود سبور//

خلق الإعلان الرسمي عن الملاعب التي ستحتضن مباريات كاس أفريقيا 2025 بالمغرب، جدل كبير وهذا الشي بسبب اختيار 4 ملاعب بالرباط لاحتضان المباريات من أصل 9 ملاعب، وباقي المدن المغربية تختارت منها ملعب واحد.

ويتساءل الجمهور المغربي واي متلقي بكل المدن المغربي، على كيفاش تم اختيار 4 ملاعب من الرباط بوحدها، مقابل اختيار ملعب واحد من مدن الدار البيضاء، ومراكش، وأكادير، وطنجة، وفاس، وشنو هي المعايير اللي خلات الرباط تتفوق في عدد الملاعب المحتضنة لكاس افريقيا 2025، بأربع ملاعب هي مولاي عبد الله، وملعب البريد، وملعب مولاي الحسن، ولانيكس ديال مركب مولاي عبد الله.

وعلاش الـ5 مدن الأخرى تختارو منها ملعب واحد لكل مدينة، بحال الدار البيضاء الإمكانيات ديالها وما تمش تأهيل الملاعب الصغيرة اللي فيها بحال الاب جيگو والعربي الزاولي وبحال مدينة فاس اللي فيها تيران الحسن الثاني، وبحال ملعب الحارثي بمراكش وملعب الانبعاث بأكادير ومرشان بطنجة، فعلاش هذه المدن حتى هي ما تستافدش حتى هي اختيار 2 ملاعب فيها بحال الرباط اللي تختارت منها 4 الملاعب، وهذا الشي بلا ما ننساو مدينة وجدة ومدينة بركان والعيون اللي ما داخلينش فكأس افريقيا.