الرئيسية > آش واقع > علاش بنعرفة كذب.. علاقتو مع بنكيران عمرها كانت عادية وها التفاصيل
26/07/2021 13:20 آش واقع

علاش بنعرفة كذب.. علاقتو مع بنكيران عمرها كانت عادية وها التفاصيل

علاش بنعرفة كذب.. علاقتو مع بنكيران عمرها كانت عادية وها التفاصيل

كود الرباط//

سعد الدين العثماني، بنعرفة العدالة والتنمية، البارح طلق كذبة كبيرة ف قناة ميدي 1 تيفي، فاش قالي بلي علاقتو مع بنكيران عادية وكاين تواصل بيناتهم.

المعطيات اللي عند “كود” تفيد بلي العثماني مباركش العيد الكبير لبنكيران، غير هادي راها ماشي عادية فحزب اسلامي. ثم اخر اتصال بين بنكيران والعثماني كان فاش توفا نسيبو وعزاه.

العثماني قالي بلي مفخباروش واش بنكيران غايبغي يترشح ويشارك فالحملة الانتخابية، وقال بلي علاقتو مع بنكيران عادية. وكاين تواصل بيناتهم مرة مرة.

هادي كذبة كتجي باش تكالمي الوضع الداخلي اللي واصل للاحتقان، والرسائل اللي كتوصل بها الأمانة العامة واللي كتوفر “كود” على بعض النسخ تؤكد أن البي جي دي ديال بنعرفة غادي للهاوية. التنظيم ولات فيه الكولسة فالترشيحات والصراعات على المناصب.

هادشي مبغاش يعترف به بنعرفة لبارح، بان متررد وغاضب شويا من بعض الأسئلة المحرجة فاش داز فبرنامج سياسي على قناة ميدي 1 تيفي.

القيادات ديال البي جي دي والمتتبيعن لهاد الحزب، عارفين بلي العلاقة بين العثماني وبنكيران عمرها كانت عادية، جوج مدارس فالسياسة، واحد وصفاتو البايس بـ”ميسي المغرب” فالسياسة، والثاني وصفاتو “كود” بنعرفة ما بعد البلوكاج الحكومي.

اليوم البي جي دي غادي يقدم البرنامج الانتخابي، فظروف صعيبة عليهم تنظيميا، تالفين، شي وحدين كيعترفو بلي ضعاف وصعيب يجيو فالرتبة الأولى وبزاف مبغاوش يترشحو مزال مع البي جي دي، ولكن الخايبا هي ان رئيس الحكومة قال معندوش رغبة يترشح يعني بغا يخرج بلا محاسبة من الشعب، خايف من المحاسبة.

موضوعات أخرى