وكالات//

بزاف ديال الناس في العالم كيخافو من لي كلون ولا المهرجين بالعربية، وهو شي لي بقى غير مفهوم عند بزاف منا.

وحاولات واحد الدراسة جديدة، تدارت على تقريبا 1000 ديال الناس أنها تدرس هاد الأسباب لي كتخلي الناس تخاف من المهرجين، سوا الصغار في السن ولا الكبار.

ولقات هاد الدراسة لي تدارت على هاد الناس لي العمر ديالهم بين 17 و77 عام، أن  النص ديالهم كيقولو بأنهم كيخلعوهم المهرجين و5 في المية منهم كيقولو أنهم كيترعبو فين كيشوفوهم.

ولقات الدراسة كذلك أن العيالات هوما اكثر الناس خوفا من المهرجين مقارنة مع الرجال.

بخصوص الأسباب، لقات الدراسة أن أقلها هي التجارب الشخصية وأكثرها هي الصورة السلبية في الإعلام ولا حتى في الأفلام والمسلسلات.