الرئيسية > آش واقع > علاش ايت الطالب ورط رئيس الدولة فقضية لمغاربة اللي حصلو برا؟ على قبال وزير الصحة خاصهم شي 3 سنين باش يدخلو هادوك 40 الف
28/05/2020 19:44 آش واقع

علاش ايت الطالب ورط رئيس الدولة فقضية لمغاربة اللي حصلو برا؟ على قبال وزير الصحة خاصهم شي 3 سنين باش يدخلو هادوك 40 الف

علاش ايت الطالب ورط رئيس الدولة فقضية لمغاربة اللي حصلو برا؟ على قبال وزير الصحة خاصهم شي 3 سنين باش يدخلو هادوك 40 الف

 

كود هناء ابو علي ////

شكون اللي كال لوزير الصحة خالد ايت الطالب يدخل رئيس الدولة فقضية فشلات فيها الحكومة وشوهات وهي عودة لمغاربة اللي حصلو برا مع كورونا فيروس وما بغاتش دخلهم كيف دارت دول اخرى.

وزير الصحة قال اليوم الخميس أمام لجنة القطاعات الاجتماعية في مجلس النواب، انو بمبادرة ملكية غادي يبدا ارجاع المغاربة عبر مراحل. وقال واحد المعلومة غبية فيها ” “العالقين خصهم يعرفو ملي يرجعو بلي غادي يخضعو للحجر الصحي والتحاليل المخبرية الخاصة بفيروس كورونا”. وعلاش ما دخلتهمش فاللول ودير هاد الشي ويصومو مع عائلاتهم.

الوزير دخل الملك فقضية فشلات فتدبيرها الحكومة وبالخصوص وزارة الخارجية والتعاون.

غير ان وزير الصحة هو اللي يعلن على عودة بالتدريج بوتيرة 300 فالسيمانا راه فيها معنى. ان بوريطة مغضوب عليه. ما عطاهش الشرف دالاعلان عنها

ولكن باش يدخل الملك فهاد القضية راه كيجبد عليه النحل. هو كيقول 300 كل سيمانا وكاين دابا شي 40 الف مغربي حاصلين برا. بعملية الحسابية خاصهم 134 سيمانا اي كثر من عامين ونص

هاد الشي راه التفلية. كيفاش حكومة تخلات على مغاربة عايشين فالمغرب.

 

موضوعات أخرى

04/07/2020 13:00

وا مارك دير خدمتك وعيق وفيق! طل شوية على الفيسبوك بالعربية راه ولا فضاء سايب ديال الدعششة والعنصرية ونشر الكراهية والتمييز بين الناس بالعلالي وأنت فدار غفلون !