الرئيسية > آراء > علاش الظلاميين كايضربو الطم فاش كايسمعو خبر القبض على شي خلية ارهابية ؟ حيت ماكايتيقوش فالدولة و فالمؤسسة الأمنية و ماكرهوش يتفرجو فشي تقربيلة فالبلاد
22/09/2020 13:00 آراء

علاش الظلاميين كايضربو الطم فاش كايسمعو خبر القبض على شي خلية ارهابية ؟ حيت ماكايتيقوش فالدولة و فالمؤسسة الأمنية و ماكرهوش يتفرجو فشي تقربيلة فالبلاد

علاش الظلاميين كايضربو الطم فاش كايسمعو خبر القبض على شي خلية ارهابية ؟ حيت ماكايتيقوش فالدولة و فالمؤسسة الأمنية و ماكرهوش يتفرجو فشي تقربيلة فالبلاد

سهام البارودي – كود//

فاش كاتشد شي خلية ارهابية ! جيوش الظلام كايضربو الطم ، ماكايدويوش فالأمر، ماكايناقشوهش ، ماكايجبدوش حسو لا فمنابرهم الاعلامية لا فالفايسبوك لا فوسائل التواصل الاجتماعي الاخرى و حتى لا دواو عليه فمنابرهم الاعلامية الرسمية راه كاتكون بواحد الطريقة حشووومية و غير من باب “حيدت اللومة عليا” ! هانتا شوف دابا اللحايا لي آكتيف بزاف فوسائل التواصل ! الشيخ ابو حامل الاخريفي ! الداعية الفتكاني ! مول العسلية … كايكونو فقمة النشاط الفايسبوكي خدامين على اللايفات و السطاتويات و البارطاج و غي كايتعلن خبر القبض على خلية ارهابية كايميكو و يضربو الطم فحالا زعما ماشافوش الخبر ! و هادشي لسببين رئيسيين !

اولا الظلامي بار ديفو ! من لاميزو كايخرج مامآمنش بمؤسسات الدولة و بالنسبة ليه گاع المؤسسات كاتكذب حتى المؤسسة الأمنية ! داكشي علاش واحد فحال مول الدراعية فاش كايطلع فشي لايف فالفايسبوك كايبقا يردد ديك اللازمة الغبية ” علاش البوليس كايشدو الخلايا الارهابية و ماكايشدوش البزناسة” و كاتلقاهم اول المشككين فالخدمة د الجهاز الأمني ! و مرة مرة كايرسلو رسائل للمتابعين ديالهم غرضها انها تشكك فالعمليات ديال البسيج و كايبداو يتهكمو عليهم بواحد الطريقة غبية و لكن كاتعطي مفعول مع الحوالا لي متابعينهم و لي كايتيقو بيهم.

ثانيا الظلاميين فلداخل ديالهم ماكرهوش تطرا شي تقربيلة فالبلاد ، هاد الأمن و الأمان لي حنا عايشين فيه مديرونجيهم ! كايقولو مع راسهم آآآو ؟ كيفاش هاد البلاد محلولين فيها البيران و الريسطوات و العيالات كايعومو بالبيكيني و هانية ؟! واش مايكاينش شي حد يبلبلها ؟! حيت هوا فلداخل ديالو ماكرهش “الجهاد” ولكن ملبدها حيت عارف بلي كاينين فهاد البلاد رجال مو لي غايوريوه الفوضى بشحال كاتقام.

ماعمرك تسمع الظلاميين مهتمين يحاربو الارهاب و لا ينددوا بشي مجزرة  ! حتى فاش كانت داعش كاترتاكب ابشع المجازر فالعراق و سوريا اللحايا ضاربين الطم ! ماخرجوش فمظاهرات فحال مظاهرات نصرة غزة باش يقولو ” داعش لا تمثل الاسلام” ديما لي كاتلقاهم كايعاودو هاد اللازمة هوما دوك الدراوش المسلمين الكيوت لي هازينها منين خفافت !في حين خفافيش الظلام ديما ضاربين الطم و كايتفرجو في انتظار تبان “الرابحة” باش يتخشاو معاها مكتوبة ليهم فجبهتهم “الله يقربلها باش نححقو داكشي لي ناويين فخاطرنا”.

فحال الثعالب

موضوعات أخرى