كود – احمد الطيب ///

علن الجناح العسكري لحركة “حماس” البارح الإثنين 14 نونبر 2023، عن مقتل مواطنة تدعى فاؤول أزاي مارك أسياني. شابة عمرها 19 ولصقوها فقصف إسرائيلي ضرب بتاريخ 9 نونبر الجاري.

طبعا هاد الشي ما يمكنش تتأكد منو فظل الحرب الاعلامية لكبيرة بين حماس والجيش الاسرائيلي.

لحد الان ما كاينش شي تأكيد. الحركة المصنفة من قبل عدد من الدول الغربية كحركة ارهابية٬ نشرات البارح شريط قالت باللي ديال مجندة ماشي رهينة شدوها نهار 7 اكتوبر اللي فات.

هاد الشابة قدمات اسمها وقالت باللي اصلها مغربي.

دابا دول كثيرة فالعالم اكدات باللي كاين رهائن عند “حماس” شدوهم من هادوك 240 رهينة اللي مازال عندها٬ هاد الدول قالت باللي مواطنين عندهم الجنسية الاسرائيلية بالاضافة الى جنسيتهم مازال محتجزين وباللي كاينة مفاوضات لاطلاق سراحهم٬ خاصة اللي عندهم جنسيات دول غربية.

لحد الان وزارة الخارجية والتعاون ديالنا ما عمرها خرجات شي معلومة عن الاسرائيليين اللي عندهم جنسية مغربية