الرئيسية > آش واقع > علاش الدولة كتلصق 300 درهم غير لولاد الشعب؟. سياسيين باميين نشرو صورة مافيهاش حس التباعد الاجتماعي وقاليك ديال زيارة المريض
17/02/2021 10:30 آش واقع

علاش الدولة كتلصق 300 درهم غير لولاد الشعب؟. سياسيين باميين نشرو صورة مافيهاش حس التباعد الاجتماعي وقاليك ديال زيارة المريض

علاش الدولة كتلصق 300 درهم غير لولاد الشعب؟. سياسيين باميين نشرو صورة مافيهاش حس التباعد الاجتماعي وقاليك ديال زيارة المريض

كريم الشركي-كود///

واحد المقال نشرو موقع البام، على زيارة برلماني خريبكة عبد اللطيف مدني، بدعوى انه مريض، ونشرو صورة كتوثق لهاد الحدث.

قبل ما نهضرو على الصورة، خاصنا نعرفو شكون هادو لي حضرو فهاد الزيارة، واللي كيترأسهوم عادل بركات رئيس فريق البام فالمستشارين، ومعاه عبد الله اعلام نائب رئيس جهة بني ملال، وهاني مسقم مستشار فالجهة، زيادة على فؤاد حليم وعبد الهادي الشركة، وهونا عضوين فالبام، بمعنى ان الناس لي حاضرين كيأطروا الشعب وكيوعيو، وكيمارسو العمل السياسي.

الصورة اللي بانت عطات واحد المثال سيء للناس لي شافوها، وكيبان فيها هاد السياسيين ملاصقين مع بعضهم، وتا واحد فيهم ماداير الكمامة، وبينهم جوج نورمالمو فدولة اخرى يحطوهوم ديريكت فالحجر الصحي، هوما عادل بركات لي كابن فالمستشارين ويقدر يعدي نواب الامة كاملين يلا تقاس بكورونا، بالاضافة لعبد اللطيف مدني لي هو برلماني وكانوا كيزوروه حقاش مريض.

فوق هادشي السلطات نقولو ماعرفاتش انهم ماحتارموش اجراءات التباعد، ولكن دابا نشرو صورة، طبعا ماغادير ليهم والو، في حين انه مواطنين عاديين، غير كينشرو صورة مامحتارمينش فيها الاجراءات او دايرين عيد ميلاد كينزلو عليهم وكيهبطو كولشي.

موضوعات أخرى

25/02/2021 17:30

فرسالة لمجلس الأمن.. عمر هلال ندد بدعم جنوب إفريقيا للبوليساريو: “خطابكم عامر كذوب والوضع فالصحرا حقوقيا و تنمويا حسن من عندكم”

25/02/2021 16:50

من بعد تطورات قضية محمد مبديع.. هيئات سياسية بالفقيه بنصالح كتطالب الجهات المختصة بالتدخل لإحالة ملفات الفساد بالجماعة على القضاء