الرئيسية > آش واقع > علاش إعفاء عامل انفا على قبال فيلا انفا او على قبال افراغ مكتب المحامي ما شادش وعلاش فرضية اغلاق مطاعم ملايرية كازا هي اللي جابت ليه الربحة
14/07/2020 12:15 آش واقع

علاش إعفاء عامل انفا على قبال فيلا انفا او على قبال افراغ مكتب المحامي ما شادش وعلاش فرضية اغلاق مطاعم ملايرية كازا هي اللي جابت ليه الربحة

علاش إعفاء عامل انفا على قبال فيلا انفا او على قبال افراغ مكتب المحامي ما شادش وعلاش فرضية اغلاق مطاعم ملايرية كازا هي اللي جابت ليه الربحة

كود هناء ابو علي ///
وزارة الداخلية بغات دوز بطريقتها ان اعفاء عامل عمالة مقاطعات الدار البيضاء انفا من مهامو عندها علاقة بمكتب المحامي اللي كان فعمارة وريبوها ومن بعد ناضو المحامين واحتجو دون احترام التباعد وشي وحدين بلا ماسكات. علاش هاد القضية ما شاداتش. اولا البيان الغامض ديال الاعفاء فيه ان هاد الشي دار “بسبب سوء تدبيره لملف المحافظة على التراث التاريخي والمعماري بمدينة الدار البيضاء” وهو راه عامل غير على عمالة انفا ماشي كاع الدار البيضاء اولا وثانيا اي حاجة داخلة فتراث المدينة يستحيل يزعم شي حد يريبها.

بخصوص الفيلا اللي رابت فتقاطع انفا الزرقطوني قرب توين سانتر فكازا حتى هاديك ما عندها علاقة. الوكالة الحضرية اللي مديرها عامل فالداخلية هي اللي عندها الكلمة الاخيرة فامور الترياب ووو. 

كنعرفو ان قضية مكتب المحامي فيها امور كثيرة مازال ما معروفاش. الاحتجاج فاللول كان حقاش شي وحدين اعتاقدو ان رئيس الجماعة هو المسؤول ومادام رئيس الجماعة ديال البي جي دي بغاو يلقاوها فرصة يضربو الحزب. هاد الشي ما شدش ليهم.

ولكن علاش قضية هاد المكتب ماشي هي السبب المقتع للاعفاء؟ حقاش الداخلية باش خرج الموضوع دارت بيان قالت فيه باللي غادية تفتح “فتح بحث إداري بخصوص تعرض مكتب محامي بالدار البيضاء للإفراغ دون مراعاة للضوابط القانونية والإجرائية الجاري بها العمل” وواكد ان هاد البحث الاداري غادية تشرف عليه “المفتشية العامة للإدارة الترابية”.

اش كيعني هاد الشي؟ يعني خاص الداخلية فاطار سياستها التواصلية دير بيان تقول لينا فين وصل البحث الاداري ايلى بغات هاد الرواية ديال اعفاء العامل بسباب هاد المكتب٬ تكون شادة. تكون مقبولة عند المغاربة. 

وزايدون راه القضاء حتى هو فتح تحقيق فهاد القضية ديال المحامي اللي كيكولو اليوم باللي هو تفاهم مع مول العمارة اللي ما عرفناهش شكون وخدا شي براكة.

الداخلية كتعرف مزيان التايمين. كتعرف التوقيت ووقتاش تقدر تتواصل ووقتاش تقدر تاخد القرارات. 

كيفاش قل من 24 ساعة من قضية اغلاق مطاعم ملايرية كازا فعين الدياب والعنق بسباب خرقهم للتباعد الاجتماعي وبسباب فتحهم لبارات واخا القانون ما كيسمحش بهاد الشي وبسباب الخدامة اللي ما دايرينش الماسكات فالمطبخ. مطاعم لملايرية اللي ما عمر شي حد قد يمسهم. جا هاد العامل وقرر يغلقهم ل48 ساعة بعد ما سجل فيديوهات وبعد 24 ساعة طيروه. 

الداخلية عارفة اللبس اللي يقدر يوقع فهاد البيان. عارفة ان قضية اغلاق مطاعم لملايرية كلشي يشك فيها. عارفين ان الداخلية ما عمرها طيرات شي عامل او مسؤول فقضية تتعلق بالتراث وشحال من عمارة ريبوها واخا عندها قيمة تاريخية كبيرة

موضوعات أخرى

15/08/2020 08:00

الدكتورة غزوي لـ”كود”: ها علاش طالعة نسبة الوفيات بـ”كورونا” والتحاليل كدار بزاف ومختبرات القطاع الخاص غادي تخفف الضغط

15/08/2020 07:38

زلزال ماشي غير كروي فبرشلونة. بيكي: خاص كلشي يتبدل وانا اول واحد نمشي فحالي ايلى… ولابورطا كيطالب براس الرئيس والمدرب فهم راسو وها اللي غادي يعوضو