الرئيسية > آش واقع > علاش أمانة البي جي دي مخلوعة. معارفاش واش اللامبا قادا تجي الأولى فالانتخابات ومترددة فحسم الترشيحات فالمدن الكبرى.. ومدير الحملة بوانو لـ”كود”: توقعاتنا غاتبان مور حسم الترشيحات
29/07/2021 14:30 آش واقع

علاش أمانة البي جي دي مخلوعة. معارفاش واش اللامبا قادا تجي الأولى فالانتخابات ومترددة فحسم الترشيحات فالمدن الكبرى.. ومدير الحملة بوانو لـ”كود”: توقعاتنا غاتبان مور حسم الترشيحات

علاش أمانة البي جي دي مخلوعة. معارفاش واش اللامبا قادا تجي الأولى فالانتخابات ومترددة فحسم الترشيحات فالمدن الكبرى.. ومدير الحملة بوانو لـ”كود”: توقعاتنا غاتبان مور حسم الترشيحات

كود الرباط//

البي جي دي تالف، الحقيقة اللي مبغاتش تعترف بها الأمانة العامة لهاد الحزب، مزال محمسومش الترشيحات فالمدن الكبرى.

المهندسين للانتخابات فالبي جي دي عينهم على 24 مدينة كبيرة (الانتخابات البرلمانية هادي مهمة ليهم) و39 مقاطعة فالمدن الكبرى، باش يحققو نتائج مهمة.

“كود” سولت مدير الحملة الانتخابية للبي جي دي عبد الله بوانو، بخصوص توقعاتو لنتائج انتخابات 2021، وقال بلي “ميمكنش نقولو التوقعات قبل الحسم فجميع الترشيحات، بمعنى من الترشيحات النهائية غادي تبان شحال المقاعد الممكن نجيبو”.

قبل أسابيع نشرت “كود” انفراد بخصوص تقرير داخلي عند الإدارة العامة للحزب، بخصوص توقعات بفوز حزب التجمع الوطني للأحرار وتراجع البي جي دي للوراء.

التوقعات اللي توصلت بها “كود”، هي ان البي جي دي ميقدرش يفوت 75 مقعد برلماني، بحيث ان الحزب غادي يتراجع بقوة في 6 جهات (ثلاثة جهات ديال الاقاليم الجنوبية، الجهة الشرقية، الشمال، بني ملال خنيفرة.

البي جي دي عندو قناعة انه مغاديش يفوت 75، بحيث ان ازيد من 20 دائرة غاتكون حظوظهم قليلة بزاف.

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات