الرئيسية > آش واقع > علاج المصابين بفيروس كورونا.. منظمة الصحة العالمية وافقات على جوج دوايات جداد
14/01/2022 13:30 آش واقع

علاج المصابين بفيروس كورونا.. منظمة الصحة العالمية وافقات على جوج دوايات جداد

علاج المصابين بفيروس كورونا.. منظمة الصحة العالمية وافقات على جوج دوايات جداد

كود – وكالات //

وافقات منظمة الصحة العالمية، اليوم الجمعة، على جوج دوايات آخرين لعلاج المصابين بفيروس كورونا. تزادو لعدد من العلاجات بالإضافة للفاكسان، لتفادي خطر الإصابة بأعراض خايبة أو الموت بسبب الإصابة بهاد الوباء.

هادشي جا فالوقت اللي عامرة فيه الصبيطارت عبر العالم بأعداد كبيرة من المصابين بالمتحور الجديد “أوميكرون”، اللي معروف بسرعة انتشارو. وكانت منظمة الصحة العالمية توقعات بللي نص سكان أوروبا غايتقاسو بالفيروس من هنا لمارس الجاي.

وفالتوصية اللي خرجات فالمجلة الطبية البريطانية “The BMJ”، قال خبراء المنظمة بللي الدوا الخاص بالتهاب المفاصل “باريسيتينيب” (Baricitinib) المستعمل مع الكورتيكويد (Corticoïde/Corticosteroid)، لعلاج “مرضى كوفيد-19” اللي كيعانيو من أعراض قاصحة، ساهم فتحسن وضعهم الصحي وبقائهم على قيد الحياة وقلل من الحاجة للتنفس الاصطناعي.

و وصاو هاد الخبراء أيضا بالعلاج بالأجسام المضادة (ليزونتي كور) الاصطناعية “سوتروفيماب” (Sotrovimab) للمصابين بالفيروس، اللي عندهم أعراض خطيرة واللي كيضطرو يمشيو للصبيطار، بحال الناس الكبار فالعمر واللي عندهم نقص فالمناعة أو أمراض مزمنة بحال الديابيت.

وقالت منظمة الصحة العالمية بللي فعالية هاد “سوتروفيماب” ضد السلالات الجديدة بحال “أوميكرون” مزال ما تأكداتش منها.

وحتى لدابا كاينين 3 ديال الدوايات أخرى خاصة بعلاج المصابين بـ”كوفيد-19″ اللي خداو موافقة من منظمة الصحة، ابتداء بالكورتيكويد بالنسبة للي عندهم أعراض خايبة، اللي وافقات عليه فسبتمبر 2020.

موضوعات أخرى

26/01/2022 09:30

تفاصيل توقيف متطرفين عندهوم علاقة بخلية إرهابية.. واحد منهم كان كيتدرب على كيفاش يصنع القنبول وكيوجد لعمليات انتحارية وها شنو لقاو عندهم فالرحامنة