عمر المزين – كود///

عدد من المدارس الخصوصية ففاس خبرات آباء وأولياء التلاميذ باللي لقراية غادي توقف بسبب الماتش اللي كاين اليوم الثلاثاء بين المنتخب النيجيري وتنزانيا، وادعت في رسائل ليها باللي الطريق غادي توقف لمدة 4 ساعات بلا حيا حشمة، وقالت ليك أسيدي هادشي توصلات به من طرف السلطات.

المؤسسة التعليمية الخاصة “Maple Bear” لي كاينة ففاس هي أول مدرسة خاصة دارت هاد لفضيحة، قبل أن تتدخل السلطات المحلية وحتى المديرية الإقليمية للتعليم بفاس وحذرات المسؤولين فيها اللي دارو بيان ثاني كيقولو فيه وقع غير شي خطأ.

راه خاص المديرية الإقليمية دبا تصيفط لجان تفتيش لهاد المؤسسات وخاصة هاد المؤسسة لي كانوا وقعوا فيها أحداث مختلفة وديما الآباء كاعيين منها.

وفهاد السياق، أكد نور الدين عكوري رئيس الفدرالية الوطنية لجمعيات آباء و أمهات  وأولياء التلاميذ بالمغرب أن توقيف الدراسة بالمؤسسات التعليمية لا يمكن أن يتم إلا بقرار رسمي صادر عن السلطة التربوية المختصة.

وذكر عكوري، في تصريحات لـ”كود”، أن “القرار رسمي يكون بناءً على مبررات تربوية واضحة ومضبوطة، حفاظًا على الزمن المدرسي للتلميذات والتلاميذ أو عندما تدعو الحاجة الملحة لذلك إعمالا للمذكرات الرسمية لخلايا اليقظة المدرسية في الموضوع”.

كما دعت الفدرالية إدارات المؤسسات التعليمية إلى الالتزام بالبلاغات الرسمية الصادرة عن الوزارة أو الأكاديميات أو المديريات الإقليمية فقط، محذرة الأسر من الانسياق وراء بلاغات متداولة على وسائل التواصل الاجتماعي قد تكون مفبركة وتحمل نيات سيئة.

وختم المتحدث تصريحاته في سياق آخر بالقول: “تتمنى الفدرالية التوفيق لبلادنا في تنظيم هذا الحدث الكروي القاري الهام، في احترام تام لمصلحة المدرسة المغربية”.