كود سبور- زنجبار//

تبين ان الشخص اللي قالو سيمبا التنزاني انهم حصلوه فالفيستيير ديال حكام ماتش فينال كاس الكونفدرالية الافريقية ضد نهضة بركان بين الشوطين ماشي مغربي وراه مصري.

وعكس الادعاءات ديال مسؤولي سيمبا التنزاني، اللي قالو أنهم حصلو واحد من اعضاء بعثة نهضة بركان داخل عند حكام فينال كاس الكونفدرالية بين الشوطين فتيران “أمان” بزنجبار البارح الاحد، وصوروه واتهموه انه باغي يرشي الطاقم ديال التحكيم، تبين وحسب مصادر جورنال “گود” ان هذا الشخص هو المصري عماد شنودة المسؤول بلجنة المسابقات بالاتحاد الافريقي، وكان داخل عند الحكم الرابع وهو الجزائري حيمودي على قبل شي اجتماع بيناتهم، عكس داكشي اللي قالو سيمبا.

وخسرو سيمبا التنزاني كاس الكونفدرالية الأفريقية مع نهضة بركان اللي توج باللقب الثالث فالمسابقة، بعدما انتصر نهضة بركان فالمغرب بنتيجة 2-0، وتعادلو فالاياب بتنزانيا بنتيجة 1-1.