كود سبور//
مازال الكابرانات غاديين فالهبال ديالهم، وقررو أن الجزائر تخرج برا الدول العربية والإفريقية اللي قررت دعم السعودية وتصوت فكونكريس الاتحاد الدولي فالملف ديالها لتنظيم مونديال 2034.
وبعدما قررو أنهم ما يصوتوش على ملف المغرب وإسبانيا والبرتغال لتنظيم مونديال 2030، قررو كابرانات شنقريحة وتبون، أن الجزائر تعاود نفس الغلط والعيب اللي دارتو مع المملكة المغربية، دارتو حتى مع السعودية اللي قررت تتقدم بترشحها لتنظيم مونديال 2034.
وفالوقت اللي علن فيها فوزي القجع رئيس الجامعة الملكية المغربية لكرة القدم أن المغرب وبتعليمات من الملك محمد السادس غيساند السعودية بدعم لا مشروط باش أنها تنظم مونديال 2034، فموقف ثابت كيأكد أن المملكة المغربية ملتزمة تجاه الأشقاء العرب، قررو حكام لالجيري يواصلو مسلسل تفكيك العروبة وما يدعموش السعودية لاستضافة المونديال.
