الرئيسية > آش واقع > عكس “الكاليبر الكبير” اللي عينات اسرائيل فمكتبها فالرباط.. وزارة الخارجية قدمات مرشح ضعيف لرئاسة مكتب الاتصال ف تل أبيب ومصدر لـ”كَود”: هذا واحد من المتملقين ومحسوب على بوريطة وماشي ديالو هاد المنصب الاستراتيجي 
27/01/2021 14:30 آش واقع

عكس “الكاليبر الكبير” اللي عينات اسرائيل فمكتبها فالرباط.. وزارة الخارجية قدمات مرشح ضعيف لرئاسة مكتب الاتصال ف تل أبيب ومصدر لـ”كَود”: هذا واحد من المتملقين ومحسوب على بوريطة وماشي ديالو هاد المنصب الاستراتيجي 

عكس “الكاليبر الكبير” اللي عينات اسرائيل فمكتبها فالرباط.. وزارة الخارجية قدمات مرشح ضعيف لرئاسة مكتب الاتصال ف تل أبيب ومصدر لـ”كَود”: هذا واحد من المتملقين ومحسوب على بوريطة وماشي ديالو هاد المنصب الاستراتيجي 

كود الرباط //

المغرب غاذي يعين خلال الايام القليلة المقبلة عبد الرحيم بيوض رئيسا لمكتب الاتصال المغربي في تل ابيب، حسب “ايلاف”.

وأوضح موقع “ايلاف” نقلا عن مصدر مطلع في وزارة الخارجية أن الوزير ناصر بوريطة قدم 3 مرشحين لشغل هذا المنصب لكن اكثرهم حظوظا هو الدبلوماسي عبد الرحيم بيوض، الذي سبق له ان كان مستشارا في السفارة المغربية في واشنطن في عقد التسعينات، حيث كان بيوض مكلفا العلاقات مع الكونكَرس والشؤون القنصلية.

مصادر “كَود” قالت :”هاد بيوض تمثيلتو ضعيفة وهو غير قنصل، اذا قارناه مع الشخص اللي عيناتو اسرائيل فالمغرب، سفير كبير وخبير متمرس فالعلاقات مع الدول الاسلامية وعارف خبايا التاريخ والثقافة العربية”.

بيوض أحد رجالات بوريضة، ضعيف مقارنة مع عدد من الأطر اللي فالخارجية، راه غير قنصل ماشي حتى سفير.

بيوض دار فضيحة قد الخلا، فاش كيشجع دوك الاغاني المخزنية اللي كتمجد فرئيس الدولة بطريقة أصلا الملك قطع معها فاش جا للحكم.

هاد القنصل كان دار كلمات لاغنية “موروكو” لي كتمجد فالمغرب بطريقة عيانة و مخزنية بزاف، وسبق صرح وقال “هذا أول عمل أقوم به باللغة العربية، ومع فنانة مغربية. لكن لدي 6 أغاني بالإنجليزية. جرى تلحينها وأداؤها من طرف المغني الأميركي جوو روبنسون  Joe Robinson ، من مدينة ناشفيل تينيسي، والشركة المنتجة هي Nashville song service USA”. علماً أن الأغاني في مليكتي وتُذاع على الراديو بنيويورك وناشفيل”.

قنصل كيعتبر راسو فنان، ماشي مشكل، غير هو واش ديال هاد المسؤولية في تمثيل المغرب و مصالحو  فاسرائيل؟، طبعا لا، حيث ماشي فالمستوى ديال ديك التمثيلية.

هاد بوريطة غايساليها بشي فضيحة دبلوماسية مع اقوى دولة فالشرق الاوسط. يلا بقا مستمر فهاد الاقتراحات ديال باك صاحبي.

موضوعات أخرى

26/02/2021 12:20

خبار غايفرح العائلات.. مندوبية السجون سمحات بتنظيم الزيارات العائلية ف لحباسات بعدما تحسنات الوضعية الوبائية فبلادنا.. وها كيفاش

26/02/2021 12:00

مفاوضات وكواليس “القاسم الانتخابي”..قادة ال”بي جي دي” خايفين من تعديلات الأحزاب الاخرى ومصدر لـ”كَود”: المفاوضات مبقاتش مع الداخلية و خاص الاحزاب يتفاهمو بيناتهم 

26/02/2021 11:00

رئيس صربيا السابق و 250 شخصية أوروبية وأمريكية لاتينية راسلو بايدن و كيرحبو بالاعتراف الأمريكي بمغربية الصحرا  – تغريدة