الرئيسية > آراء > عكس الفكرة المتداولة انا كايجيوني المغاربة ديال هاد الجيل احسن من الاجيال لي فاتو ! اليوم عندها جيل قاري و واعي و طموح بزاف! كلشي باغي يلبس ! ياكل ! يعيش مزيان! شوف غي الفنانة ديال هاد الجيل بالمقارنة مع الاجيال لي فاتو غاتلقاهم قافزين ! لاباس عليهم ! مضورين الصرف و بينما شي قدام كايسعاو الگريمات الفنانة الجداد يصنعون مجدا بلا سعاية!
25/11/2021 18:00 آراء

عكس الفكرة المتداولة انا كايجيوني المغاربة ديال هاد الجيل احسن من الاجيال لي فاتو ! اليوم عندها جيل قاري و واعي و طموح بزاف! كلشي باغي يلبس ! ياكل ! يعيش مزيان! شوف غي الفنانة ديال هاد الجيل بالمقارنة مع الاجيال لي فاتو غاتلقاهم قافزين ! لاباس عليهم ! مضورين الصرف و بينما شي قدام كايسعاو الگريمات الفنانة الجداد يصنعون مجدا بلا سعاية!

عكس الفكرة المتداولة انا كايجيوني المغاربة ديال هاد الجيل احسن من الاجيال لي فاتو ! اليوم عندها جيل قاري و واعي و طموح بزاف! كلشي باغي يلبس ! ياكل ! يعيش مزيان! شوف غي الفنانة ديال هاد الجيل بالمقارنة مع الاجيال لي فاتو غاتلقاهم قافزين ! لاباس عليهم ! مضورين الصرف و بينما شي قدام كايسعاو الگريمات الفنانة الجداد يصنعون مجدا بلا سعاية!

سهام البارودي- كود//

كانتفرج فواحد اللايف ديال طوطو فنيجيريا ! نقدر نقول انه هاد الجيل ديال المغاربة قافز و هارب بزاف على الاجيال لي سبقوه ، عكس الهضرة لي كايقولو لينا الاستاذة فالمدرسة ” القسم ديال العام لي فات كان احسن منكم ” ! انا كانشوف بلي هاد الجيل اكثر طموح و رغبة فالحياة من الاجيال ديال المغاربة لي فاتت ! كلشي باغي يلبس كلشي باغي ياكل كلشي باغي يخرج كلشي باغي يعيش مزيان و كيف ماكانت الطريقة ! بالقلم او بالقدم او بالصوت او بالسوة الطريقة لي جات مرحبا !

شوف غي فالفن مثلا ! كاينة ثورة فنية من بداية الالفين و لي تركزات اكثر  فهاد العشر سنين الاخيرة! داروها روابة د المغرب و معاهم گاع المغنيين ديال البوب و الستيلات الاخرى! المورفين، الموتشو ، سعد المجرد، حاتم عمور، بطمة ،  ختك ، مورو عزيزي بنت الستاتي،  طوطو ، مانساوش حليوة le grand ! حيت حليوة خاصو تزاد حدا سميتو le grand!  اسماء المنور ! بهاوي ! مهدي موزاين، تا داك لي كايشرب الما د شلاضة الغافولي و تا عاديل الميلودي …الخ الخ الخ …

دراري و بنات على “اختلاف مشاربهم ” جايبين العز ! و خالقين ثورة فنية فالمغرب بلا مايسعاو الدعم ! بلا مايبكيو فالتلفزة ! بلا مايتملقو !  و طموحين كايديرو فيتورين مع فنانة من جميع بقاع العالم فحال الفيتورين لي دار طوطو مع سي كاي ! و مضورين الصرف و لاباس عليهم بيخير !فلوس يوتوب ! فلوس الاشهار ! السهرات ! الفيستيڤالات …

جيل زوين ! جيل فنان ! جيل حر ! و خصوصا خصوصا جيل ماشي سعاي !  انا متأكدة ماغانشوفوهش مجبد فوق شي سداري وسط شي براكة و كايسعى الاعتاب الشريفة باش تعطيه شي گريمة !

موضوعات أخرى