كود سبور//

فاجأ الدولي المغربي براهيم دياز نجم ريال مدريد الإسباني كلشي، بالقدرة ديالو على انه يبرا دغيا من الاصابة اللي عندو، واللي تسبب ايضا فالغياب ديالو على المنتخب المغربي خلال فترة التوقف الدولي.

وحسب جريدة AS الإسبانية، فملي توعت براهيم دياز فماتش ريال مدريد وريال سوسييداد فالنص ديال شهر سبتمبر اللي فات، كان كلشي كايتوقع أن النجم المغربي غايغيب لمدة شهرين على الاقل باش يبرا من الاصابة اللي عندو.

وكشفت الجريدة الإسبانية، أن براهيم دياز وعكس كل التوقعات تفاعل الجسم ديالو بشكل إيجابي وسريع مع العلاج ودغيا بدا يبرا من الاصابة، وأن ريال مدريد معولين دابا يرجع يلعب معهم من ورا فترة التوقف الدولي، وعلاش لا ما يكونش مع الفريق فالكلاسيكو ضد البارصا يوم 26 من شهر أكتوبر الحالي.