اسماء غربي – كود//
مرفحين مغاربة وعيالاتهم وولادهم تذكرو فتقارير المديرية العامة للمنافسة والاستهلاك وزجر الغش (DGCCRF)، التابعة لوزارة الاقتصاد والمالية والصناعة د فرنسا.
هاد المديرية دارت عملية تدقيق على العقارات الفاخرة فغرب باريس، وبالضبط فالمقاطعات الثالثة والسادسة والسابعة والثامنة اللي ما مسكوناش ومامكرياش ملي تشرات.
ودابا الأثرياء المغاربة اللي شاريين هاد العقارات الفاخرة فالعاصمة الفرنسية شاداهم الخلعة حيت ماصرحوش بها لمكتب الصرف ومصالح المراقبة الضريبية فالمغرب، واخا عندهم أنشطة استثمارية وتجارية فبلادنا بشكل دائم.
وأكدت مصادر موقع مغربي ان هويات الملاك المغاربة غير المصرحين لمكتب الصرف تعرفات غبر بالصدفة خلال عملية التدقيق.